Läbenslabyrinth 1 St

Du fingsch i myne Tägschte viu Biografisches über mys Läbe. Über ds Paris im Achtesächzgi, myni Mondchnüpple, über mi aus «Steppewouf». Über dr töifscht Punkt i mym Läbe. De brichten ig vo Reise. I ds Katharerland. Nach Kiew. Mit äm Velo nach Marseille. Z Fuess vo Ins nach Chur, vo Gänf nach Arles. Vo dr Meerzu- Meerwanderig in Italie u vo dr Wanderig vom Mittelmeer zum Atlantik. Vo dr Sehnsucht nach äm Süde. I formuliere Aperçus über für mi wichtigi Pärsönlichkeite. I beschrybe vo mir gschribeni Büecher. I veröffentliche myni Erscht-Ouguscht- Rede, notiere Naturärläbnis im Rosehofpark u verzeue vo de geomantische Steischtele im Seeland. Und de no die chly verruckti outobiografischi Liebeserklärig a d Stadt Bärn «Bärn, das han ig gärn».